ابوذيات حياويه
يناهي من الضما اجفل وردفـــــاك
وتبرد احشاي من ارشف وردفاك
عفه خصرك حمل صدرك وردفاك
عفاك اشلون تمشي ابلااذيه
***
علي عزت السلوه من يسلني
وصديت بغمد هجرك من يسلني
اشكثر عنك الشامت من يسلني
اچابر والدمع يغلب عليه
غازي حجيل
ترف روحي وي روحك شلفاهه
اشجنت من ثمر ودك شلــــفاهه
عسى العذلوك عني شلفــــــاهه
مثل ماشل هواك اضلوع بيه
***
هلي اشمسعد صباح الهم وفلهم
تبله الوكت جمعتهم وفلـــــــــهم
ولچ يالدار لوعندچ وفلـــــــــهم
معالم مابگتلچ عالوطيه
سالم الدباغ
عني ابعيد خلاني تـــــــــــــلفهه
الدهر وفراگهم روحي تلفـــــهه
رسايل منهم العاذل تلـــــــــفهه
عليه ولاالي منهم تحيه
***
همت بالبيد چني صرت وحشـاي
وعلي جنت الخلدبجفاك وحــشاي
لون ولفي ابدليلي اييبات وحشاي
اگله ادنه يهل المبعد عليه
محمد الغالي
![[size=18]أبوذيات حياوية[/size] Empty](https://2img.net/i/fa/empty.gif)
الأحد يوليو 18, 2010 12:38 pm