-----------------------
سفح عمري
دمع بس ما شكيت الحال
اتوضه ابدمعته
اواطلب الرحمه
ولحظه اتجيب لحظه
وتطلك الساعات
وعلى خف الجدم
ما تنطي كل لزمه
اضيعن مره ورده
اواشتل البوسات
ومن كتر الكتر
دوامتي امسلمه
اتعب والتعب
للروح راحة بال
احديثه
اوجفهه معضد
للسمه اونجمه
تضيع ابلا وعد
شوغة جرح بهداي
ومن تكشف وضعهه
تنكلب بسمه
غادرت الظلام
امناوش ابلا حيل
على الساني الفرح
بس داخلي امهزمه
التقيتك يازمن
عمر اوسفح مخنوك
من ينهض
تغلبه الكبوه والقسمه
مشيتك درب
يخنك هدوة الليل
لكيتك سيف
باشط ذابح النسمه
اذا درب الشمس
معروف عند الناس
اوكلمن نده واضح
حاضر الخصمه
انه خصمي
الهوه والليل والموليل
كلمن طالب ابحصته
اوعزل سهمه
مو بيه الغلط
وترس اجيوبي اغلاط
اطوش اغلاط غيري
اوارفع الزحمه
اشتلحك بعد
مو مايل البنيان
اذا جفك يعدله
اوغيرك ايهدمه
امراشك
بالتريده ايصير ما ملحوك
على يادجه التحطه
محد ايرحمه
على صبره اليعبي
يا ضمير يكوم
اوضماير ولده
تنهش بيه وتشتمه
نعرف بللي يخدم
جيش يطلع يوم
اوجاباهه العراق
من المهد خدمه
استباحت بيه
حتى الماتعرف البوح
على مود الفلوس
اتكوم وتصدمه
البعض ياكل ابعضه
اوشاهد الجتال
يصنع موت شعبي
ابشعبي ويقدمه
يبعثر بالمنايه
ابغير داعي اوخوف
يتخير اخيار ويضبط ابحزمه
مو كافي
ارتعش وجه الصبح
زعلان
انكلب
كله اعله كله
يجالع ابسمه
من شاف
الدم على الحيطان مرسوم
وجه يضحك
عراقي
اوجه بي ورمه
*************************
![[size=24]سفح عمري[/size] Empty](https://2img.net/i/fa/empty.gif)
الأربعاء أبريل 29, 2009 5:18 pm